﹣ 都好wor :)
平時走入一間Starbucks, Pacific Coffee, 或者其他Cafe, 有無試過好想試新款咖啡
但又因為唔識讀個D 似是而非嘅意大利文，又或者係根本唔個杯野係咩泥，最後，都係點返Cappuccino, Latte 呢？
我相信好多人都會試過呢D事，因為我初初開始飲都試過！ XD
（記得那個夏天，我想飲杯凍咖啡，就係STARBUCKS嗌左“一杯ICED COFFEE”， 出到泥俾左杯黑冰水我，同我想像GE茶餐廳凍咖啡出入甚大！！！）
簡單講下一般流行嘅意式咖啡先啦：
Cappuccino: 意大利文讀音 Ka-Pu-Chin-No
改呢個名其實係因為佢嘅啡／白色，同意大利Capuchin僧侶袍好似...
似唔似就見人見智啦，哈哈！
一般做法就係1 Shot Espresso, 打好嘅熱奶，同一層厚奶泡。
好多人都以為Cappuccino 係每樣1／3， 我對呢個講法有D保留。
以一個普通Size 為例，1杯Cappuccino 有250ml 左右，1／3 咖啡即係80ml左右，己經2﹣3 Shot Espresso...
而1／3奶泡而都係有D離譜。。。
比例以我地大多飲到嘅，大概係1 Shot Espresso, 1.5cm左右嘅奶泡．
主要特式，Cappuccino係裝落有耳杯道嘅
Caffe Latte: 意大利文讀音 Ka-啡 勒-te (te 讀成Telephone 頭一個音道啱喇)
意大利文，Caffe -> Coffee , Latte -> Milk， 顧名意義，牛奶咖啡
係意大利，傳統Caffe Latte其實係用Moka Pot煮嘅咖啡加牛奶而成。
而且，Caffe Latte係係奶泡嘅！
不過，依家好多地方嘅Caffe Latte都有奶泡，同Cappuccino嘅分別，就係奶泡少D，同埋用無耳水杯裝住。
Flat White: 澳洲發明嘅咖啡飲品
同Caffe Latte 好相似，只係奶泡比較少。
Espresso: 意大利式濃縮咖啡
即使係簡單嘅Espresso，都有好多唔同選擇：
Ristretto: 係Espresso一半嘅份量，基本上係一小杯Crema
Single Espresso: 就係一Shot, 30cc 嘅Espresso
Double/ Lungo/ Long Espresso: 即係兩Shot，60cc 嘅 Espresso
Caffe Americano: 美式咖啡
做法係將水加入Espresso 。因為美國好鐘意飲Drip Coffee,意大利人就叫呢種做Americano.
（另又一種叫Long Black, 分別在於做法係用Espresso 加入水，味道好類似。）
Caffe Macchiato: 意大利文讀音： Ka-啡 Ma-Key-A-To
意大利文解做“Stain", 中文係漬. 通常都係好細杯嘅。
做法係將一匙奶泡加入Espresso (Espresso stained by milk)
亦有Latte Macchiato, 即係將Espresso 倒入打好嘅熱奶泡 (Milk stained by espresso)
下次再講多D唔同嘅咖啡啦！
